14 مامۆستا لە ڕۆژهەڵاتی کوردستان لەکار دوور دەخرێنەوە

ئاڤا نیوز

لە چەند شارێکی ڕۆژهەڵاتی کوردستان، 14 مامۆستا بڕیاری دەرکردن، خانەنشینبوونی زۆرەملێ یان سڕکردن لە کاریان بەسەردا سەپێنرا.

چیرۆکی سەرەکی: وەزارەتی پەروەردەی ئێران 14 مامۆستا لە شارەکانی سەقز، سنە و دیواندەرەی ڕۆژهەڵاتی کوردستان لە وانەوتنەوە و مامۆستایی دوور دەخاتەوە بە تۆمەتی داواکردنی مافی چەندین مامۆستا و قوتابی کە لە قوتابخانە دەرکراون.

ڕاگەیێنراوی فەرمی: سەندیکای مامۆستایانی ڕۆژهەڵات ڕایگەیاند: ئەو 14 مامۆستایەی ئەو بڕیارەیان بەسەردا سەپێندراوە چوار مامۆستایان لە شاری سنەی ڕۆژهەڵاتن بە تۆمەتی داواکاری مافی مامۆستا لە کار دوورخراونەتەوە و دەرکراون، 10 مامۆستای دیکەش لە شارەکانی سەقز و دیواندەرە بە یەک ساڵ دوورخستنەوە لە کار یان خانەنشینبووی زۆرە ملێ سزادراون.

لێدوانی فەرمی: محەممەد حەبیبی، وتەبێژی ئەنجوومەنی هەماهەنگی کۆمەڵە پەروەردەییەکان دەڵێت، ئەم ژمارەیە زیاترە، بەڵام بەهۆی ئەوەی هەندێ لە مامۆستایان نایانەوێت لە میدیاکان بڵاو بکرێنەوە و هەندێکی دیکەش بە هۆکاری ئەمنی بەردەست نین.