تاڵیبان بۆ ئەمریکا: دەستدرێژی مەکە سەر ئاسمانی ئەفغانستان

ئاڤا نیوز

 

حکومەتی تاڵیبان لە ئەفغانستان کاردانەوەی بەرامبەر بە فڕینی ژمارەیەک درۆنی ئەمریکی بەسەر ویلایەتی قەندەهار نیشان دا. تاڵیبان ئەمەی بە پێشێلکردنی سەروەریی ئەفغانستان ناوبرد و داوای کرد ئەمریکا کۆتایی بەم کارە بهێنێت.

 

لێدوانی فەرمی: زەبیحوڵا موجاهید، گوتەبێژی تاڵیبان ڕایگەیاند "بێگومان ئەم درۆنانە هی ئەمریکان کە لە خاکی دەوڵەتانی نزیکەوە دەفڕن و تێدەپەڕن و دێنە ئەفغانستان؛ پێویستە هەمووان بزانن بەرپرسیارێتییان چیە و کۆتایی بە دەستدرێژی بهێنن".

 

زانیاریی زیاتر: سەرەتاکانی مانگی ئاداری ئەمساڵ، فەسیحەدین فیترەت، سەرۆکی ئەرکانی هاوبەشی سوپای تاڵیبان ڕایگەیاندبوو کە هەرێمی ئاسمانیی ئەفغانستان هێشتا لەژێر کۆنترۆڵی ئەمریکادایە و درۆنە ئەمریکییەکان ناوە ناوە گەشتی تێدا ئەنجام دەدەن.

 

باکگراوند: هێزەکانی ئەمریکا لە مانگی ئابی 2021 لە ئەفغانستان کشانەوە و تاڵیبان دەسەڵاتی لەو وڵاتە گرتەوە دەست.