خۆشەویسترین و بێزراوترین سەرۆکەکانی ئەوروپا: زێلێنسکی خۆشەویسترینە

ئاڤا نیوز

 

ئەنجامەکانی ڕاپرسییەک نیشانی دەدەن کە ڤۆلۆدیمیر زێلێنسکی، سەرۆکی ئۆکراینا، خۆشویستراترین و ڤلادیمیر پووتین، سەرۆکی ڕووسیا، بێزراوترین سەرۆکن لە وڵاتانی ئەوروپی.

 

وێنە گەورەکە: دامەزراوەی ئیپسۆس لەسەر داوای ئاژانسی ئیرۆنیوز ڕاپرسییەکەی لە 18 دەوڵەتی ئەندامی یەكێتیی ئەوروپادا کردووە تیایدا ڕای 25 هەزار و 916 کەسی وەرگرتووە. 

 

ئەنجامی ڕاپرسییەکە: 47%ـی دانیشتووانی ئەوروپا بۆچوونێکی ئەرێنییان سەبارەت بە زێلێنسکی هەیە و 32%ـیش بۆچوونیان نەرێنییە؛ هاوکات 21%ـی بەشداربووان گوتوویانە هیچ زانیارییەکی ئەوتۆیان سەبارەت بە زێلێنسکی نییە؛ ئەمە لەکاتێکدایە کە دوو ساڵە بەبۆنەی شەڕی ڕووسیا و ئۆکرایناوە زێلێنسکی هەمیشە لە مانشێتی هەواڵەکاندا بووە.

 

لەلایەکی دیکەوە: سەبارەت بە پووتین، 79% لە بەشداربووان ڕایەکی ئەرێنییان سەبارەت بەو نییە، تەنیا 10% بۆچوونی ئەرێنییان هەیە و 11%ـیش گوتوویانە کە بەپێی پێویست شارەزاییان لە بارەی نییە.

 

گۆشەیەکی دیکە: ئیمانوێل ماکرۆن، لەکاتێکدا دووەم خۆشەویسترین سەرۆکی وڵاتانی ئەوروپییە، 41%ـی دانیشتووانی ئەوروپا بۆچوونی ئەرێنییان لەسەری هەیە، بەڵام 62% لە هاووڵاتیانی فەڕەنسا بۆچوونێکی ئەرێنییان سەبارەت بەو نییە.