پێشوازییەکی فراوان لە ڕێککەوتنی سەرۆکوەزیران بارزانی و سوودانی دەکرێت

ئاڤا نیوز

 

دوای ڕێککەوتنی نێوان سەرۆکوەزیران بارزانی و سوودانی لەبارەی چارەسەرکردنی کێشەی مووچە، بڕیار درا پێش جەژنی ڕەمەزان مووچەی تەواوی مووچەخۆرانی هەرێمی کوردستان دابەش بکرێت، ئەم ڕێککەوتنەش لە لایەن وڵاتانەوە پێشوازی لێکرا.

 

وێنە گەورەکە: دوای لێکتێگەیشتنی سەرۆکوەزیران بارزانی و محەممەد شیاع سوودانی، سەرۆکوەزیرانی عێراق بۆ چارەسەرکردنی کێشەی مووچە، شەوی هەینی 05-04-2024 وێنەی سەرۆکوەزیران بارزانی بەناونیشانی سەرۆکوەزیرانی تەنگانە لەسەر بەرزترین تاوەری هەولێر نمایش کرا.

 

لێدوانی فەرمی: ئومێد خۆشناو لەبارەی نمایشکردنی وێنەی سەرۆکوەزیران بارزانی لەسەر تاوەری زانیاریی، کە بەرزترین تاوەرە لەسەر ئاستی هەرێمی کوردستان و عێراق ڕایگەیاند: “مانای خۆڕاگری خەڵکی کوردستان، ئیرادەی بەرزی سەرۆکوەزیران بارزانی، ڕووبەڕووبوونەوەی قەیرانەکان و دڵخۆشی و ئارامیی خەڵکی کوردستان نیشان دەدات”.