ترەمپ: من سەرۆک بوومایە هێرشەكەی ئێران ڕووینەدەدا

ئاڤا نیوز

دۆناڵد ترەمپ ڕەخنە لە ئیدارەی جۆ بایدن دەگرێت و دەڵێت ئەگەر ئەو سەرۆک بووایە ئێران نەیدەوێرا هێرشەکە بکات.

وێنە گەورەكە: هێرشی ڕاستەوخۆی ئێران بە مووشەک و درۆنی بۆمبڕێژکراو بۆ سەر ئیسرائیل کاردانەوەی نێودەوڵەتی لێکەوتووەتەوە، ڕەخنەش لە سیاسەتی ئەمریكا دەگیرێت بەرامبەر سیاسەتەكانی ئەو وڵاتە بۆ ڕووبەڕووبوونەوەی ئێران.

لێدوانی فەرمی: دۆناڵ ترەمپ، سەرۆكی پێشووی ئەمریكا و ڕکابەری سەرەکی جۆ بایدن بۆ هەڵبژاردنی ئەمساڵ لەبارەی هێرشەکە دەڵێت:”ئەگەر من سەرۆك بوومایە ئەو هێرشە ڕووینەدەدا، ئێمە لاوازییەكی زۆرمان لە ئاستی جیهان و دەرەوەدا نیشان داوە".

باکگراوند: پێشتر ترەمپ ڕایگەیاندبوو، لە سەردەمی ئەودا ئێرانیان گوشیوە و نەیانهێشتووە هیچ جموجۆڵێکی سەربازی گەورە بکات، بەڵام لە سەردەمی جۆ بایدن دەستکراوەیە و لەم وڵات بۆ ئەو وڵات تەراتێنی سەربازی دەکات.