پێشێلکاری بەرامبەر ڕۆژنامەنووسان لە عێراق زیاد و لە کوردستان کەمی کردووە

ئاڤا نیوز

 

هەرچەندە لە هەرێمی کوردستان پێشێلکارییەکان بەرامبەر ڕۆژنامەنووسان کەمی کردووە، بەڵام لە عێراق پێشێلکارییەکان "ئاماژەی مەترسیدار"یان تۆمار کردووە.

 

وێنە گەورەکە: کۆمەڵەی داکۆکی لە ئازادیی ڕۆژنامەگەری لە عێراق، ڕاپۆرتێکی بڵاو کردەوە و تیایدا باسی لە پێشێلکارییەکانی ساڵی 2023 بەرامبەر ڕۆژنامەنووسان کراوە و "ئاماژەی مەترسیدار"ـی تۆمار کردووە.

 

خاڵی ئەرێنی: لەکاتێکدا پێشێلکاریی بەرامبەر ڕۆژنامەنووسان لە عێراق زیادیان کردووە، کەچی لە هەرێمی کوردستان كەمی كردووە.

 

ژمارەکان وادەڵێن: لەسەر ئاستی پارێزگاکان، بەغدای پایتەخت بە 50 سەرپێچی پلەی یەکەم و بەسرە و کەرکووک هەریەکەیان بە 45 و 29 سەرپێچی لە پلەی دووەم و سێیەم دێن.

 

ئەوەی پێویستە بیزانیت: سەنتەری میترۆ سەبارەت بە هەرێمی کوردستان، ڕاپۆرتێکی بەراوردکاریی هەر دوو ساڵی 2022 و 2023ی بڵاو کردووەتەوە کە تیایدا هاتووە "پێشێلکارییەکان 42% کەمیان کردووە".