باغی شەقڵاوە ڕوونكردنەوە دەدات و کاسبکارانیش وەڵامیان هەیە

ئاڤا نیوز

کۆمپانیای باغی شەقڵاوە ڕوونکردنەوە لەبارەی مامەڵەی چەند هاوڵاتییەک دەدات کە دەڵێن "نزیکەی 35 ملیۆن دۆلاریان لای کۆمپانیاکەیە و دەستی دەستییان پێدەکرێت"، بە گوتەی کۆمپانیاکە ئەو هاوڵاتییانە مامەڵەیان لەگەڵ لقێک کردووە.

ئەوەی پێویستە بیزانیت: نووسینگەی سەرۆکوەزیران بارزانی ، لێژنەیەکی بۆ چارەسەرکردنی کێشەکە لە؛ وەزارەتی ناوخۆ، دەستەی وەبەرهێنان، پارێزگای هەولێر و ئەنجوومەنی دادوەری پێکهێناوە، قسە لەگەڵ باغی شەقڵاوە و ئەنجوومەنی مافخوراوان کراوە.

لێدوانی فەرمی: ئەندازیار محەممەد سابیر، یەکێک لە دامەزرێنەرانی کۆمپانیای باغی شەقڵاوە گوتی:" کاری کۆمپانیای شەقڵاوە تەنیا نێوەندگیرییە، بەشێک لە هاوڵاتییان مامەڵەیان لەگەڵ لقێک کردووە و لەم لقە لەسەر بەرپرسیارێتی خۆیان ئەو کارەیان کردووە و ئێمەش وەک کارگێڕی کۆمپانیا ئاگادار نین جگە لەوەی بەویستی خۆیان و بەمەبەستی قازانجی زیاتر بەردەوامییان بەو کارە داوە و موڵکەکانیان خستووەتە سەر ناوی دوو کارمەندە.

بۆچوونی لایەنی بەرامبەر: زۆراب جەلیل، سەرۆکی ئەنجوومەنی مافخوراوان بە ئاڤا نیوزی گوت: "متمانەی تەواومان بە لیژنەی سەرۆکوەزیران بارزانی هەیە، دڵنیایین لەوەی حکومەت خەمخۆری خەڵکە و پارێزگاری مافەکانمانە با لیژنەکە بڕیار بدات حەق بە کێیە".