هەنگاوە كردارییەكان بۆ دابەشكردنی زەوی دەچێتە بواری جێبەجێكردنەوە

ئاڤا نیوز

بەمەبەستی دەستپێکردنی هەنگاوە کردارییەکان بۆ دابەشکردنی زەوی بەسەر فەرمانبەراندا، داواکراوە ژمارەی فەرمانبەران و شوێنی دابینکردنی زەوی دیاری بکرێت.

ئەوەی پێویستە بیزانیت: بە سەرپەرشتیی ساسان عەونی، وەزیری شارەوانی و گەشتوگوزار کۆبوونەوەی دووەمی ئەنجوومەنی شارەوانی بەڕێوەچوو.

ڕاگەیێنراوی فەرمی: وەزیری شارەوانی بەدواداچوونی بۆ کاری شارەوانییەکان کرد، ڕایسپاردبوون بۆ زانینی ژمارەی مەزەندەکراوی فەرمانبەران و دابینکردنی زەوی و نەخشەی زەوی و دیاریکردنی شوێن و گرفتە تەکنیکی و یاساییەکان لە سنووری شارەوانییەکانیان، بۆ ئەوەی بەزوویی فەرمانبەران لە بڕیارەکەی سەرۆکوەزیران بارزانی، سوودمەند ببن. 

زانیاریی زیاتر: هەفتەی داهاتوو دەبێت سەرجەم شارەوانییەکان ڕاپۆرتێک ئامادە بکەن و تێیدا ژمارەی فەرمانبەران و شوێنی دابینکردنی زەوی لەسەر نەخشە دیاری بکرێت.

چارەسەرەکان: ئەگەر زەوی لە سنووری ماستەرپلاندا بەردەست نەبوو، بۆ ئەوەی زۆرترین ژمارەی فەرمانبەران لە وەرگرتنی زەویدا سوودمەند ببن، پێویستە ماستەرپلانی شارەوانییەکان فراوان بکەن و زەوی دابین بکەن.