پەنجاهەمین ساڵیادی شەهیدكردنی لەیلا قاسم دەكرێتەوە

ئاڤا نیوز

یەکێتیی ئافرەتانی کوردستان، لە ساڵیادی شەهیدکردنی لەیلا قاسم لە هەولێر چەند چالاکییەک ئەنجام دەدات.

وێنە گەورەکە: سبەی 50 ساڵ بەسەر شەهیدکردنی لەیلا قاسم تێدەپەڕێت، یەکێتیی ئافرەتانی کوردستان بە ئامادەبوونی خوشکی لەیلا قاسم، چەند چالاکییەک ئەنجام دەدات و پەردە لەسەر پەیکەری ئافرەتی ئازاد لادەبات.

لێدوانی فەرمی: زیبا تەها، سکێرتێری یەکێتی ئافرەتانی کوردستان بە ئاڤا نیوزی گوت: بە چەند بڕگەیەکی جیاواز قۆناغەکانی ژیانی لەيلا قاسم بە شێوەی دۆکیۆمێنتاری و بەڵگەوێنە نمایش دەکرێت.

 
زانیاریی زیاتر: لەو مەراسیمەدا 15 خەڵات بەو ژنانە دەدرێت کە لە کاتی خۆی سزای لەسێدارەدان یاخود زیندانی تاهەتاییان هەبووە و بەخشراون. 

باکگراوند: لەیلا قاسم لە ساڵی 1952 لە شاری خانەقین لەدایک بووە و ڕۆڵی هەبووە لە بەڕێوەبردنی خەباتی ڕێکخستن لەنێو شارەکاندا. دوای دەستبەسەرکردنی. لە ڕێکەوتی 12-05-1974 لە سێدارە درا.