ڕاوێژكارێكی خامنەیی: ئامادەین بۆ دەستپێكردنەوەی دانووستان لەگەڵ ئەمریكا

ئاڤا نیوز

ڕاوێژکارێکی سیاسەتی دەرەوەی ڕێبەری باڵای ئێران دەڵێت "لەبەر ئەوەی ئەمریکییەکان دیپلۆماسی بە باشترین بژاردە وەسفدەکەن، ئامادەین بگەڕێینەوە بۆ دانووستانەکان".

وێنە گەورەکە: کۆماری ئیسلامی ئێران ئامادەیی خۆی نیشانداوە بۆ دەستپێکردنەوەی گەڕێکی تری دانووستانەکان لە بارەی پرسە ئەتۆمییەکەیەوە، کار لەسەر ئەوە دەکات جارێکی دیکە گەڕێکی دیکەی دانووستانەکان دەستپێبکاتەوە.

لێدوانی فەرمی: عەلی ئەکبەر ویلایەتی، راوێژکاری سیاسەتی دەرەوەی ڕێبەری باڵای ئێران ڕایگەیاند:"لەبەر ئەوەی ئەمریکییەکان دیپلۆماسی بە باشترین بژاردە وەسفدەکەن، ئێمەش هەمان ڕوانگەمان هەیە و ئامادەین بگەڕێینەوە بۆ دانووستانەکان".

بۆچی گرنگە: ئەگەر ئێران مەرجەکانی ئەمریکا و کۆمەڵگەی نێودەوڵەتی لە بارەی پرسە ئەتۆمیەکەیەوە جێبەجێ بکات، فشاری دارایی و سزاکانی لەسەر سووک دەکرێت.