شەش گەڕەکی نوێ لە هەولێر دروست دەکرێن

ئاڤا نیوز 

پارێزگاری هەولێر ڕایدەگەیێنێت، زیاتر لە شەش گەڕەکی نوێ دروست دەکرێن، بەشێک لەوانە زەوییەکانیان کارتە و کار لەسەر تاپۆکردنیان دەکرێت.

وێنە گەورەکە: بە هۆی بڕینی بەشە بودجەی هەرێمی کوردستان و بودجەی پەرەپێدانی پارێزگاکان لە ساڵی 2014 لەلایەن ‌حکومەتی عێراقەوە، ژمارەیەکی زۆر پڕۆژەی گرنگ و گەورە لە سەرانسەری کوردستان ڕاگیراون.

ئەوەی پێویستە بیزانیت: لە کابینەی نۆیەمی ‌حکومەتی هەرێمی کوردستاندا کار لەسەر تاپۆکردنی زەوییە کارتەکان کرا، هەزاران زەویش لە ماوەی چوار ساڵی ڕابردوو تاپۆ کراون.

لێدوانی فەرمی: ئومێد خۆشناو، پارێزگاری هەولێر بە ئاڤا نیوزی گوت: زیاتر لە شەش گەڕەکی نوێ دروست دەکرێت، بەشێکیان ئێستا ئاوەدانییان تێدایە و خزمەتگوزارییان پێدەگەیێنین، ئەوانی دیکە ئاوەدان نین و زەوییەکانیان کارتە، وەک گەڕەکەکانی گردجووتیار، باغ و منارە، سێبەردان، قەرەبووی گردجووتیار.

 

ئەمەش بزانە: فەرمانگەیەکی تایبەت بۆ تاپۆکردنی زەوییە کارتەکان کراوەتەوە.

لە لایەکی دیکەوە: بەڕێوەبەرایەتیی شارەوانییەکانی هەولێر پلانی بۆ فراوانکردنی سنووری هەر شەش شارەوانییەکە هەیە تا گەیشتنە پشتێنەی سەوزایی.