ئەنجوومەنی وەزیران خشتەی بودجەی گشتی پەسند کرد

ئاڤا نیوز

 

ئەنجوومەنی وەزیرانی عێراق دەنگ لەسەر خشتەکانی بودجەی گشتی فیدراڵی بۆ ساڵی 2024 دەدات و ڕەوانەی ئەنجومەنی نوێنەرانى دەکات بۆ پەسەندکردنی.

 

بۆچی گرنگە؟ لە پڕۆژەیاسای بودجە، هەرێمی کوردستان جگە لە مووچە پشکی دیکەشی هەیە وەک خەرجیی وەبەرهێنان و بەکاربردن، تێچووی بەرهەمهێنانی نەوت و بیمەی کۆمەڵایەتی.

 

چیرۆکە سەرەکییەکە: یەکشەممە 19-5-2024، ئەنجوومەنی وەزیران بە سەرۆکایەتی محەممەد شیاع سوودانی، سەرۆکوەزیرانی عێراق کۆبووەوە.

 

ڕاگەیێنراوی فەرمی: نووسینگەی ڕاگەیاندنی سەرۆکی ئەنجوومەنی وەزیرانی عێراق ڕایگەیاند: "ئەنجوومەنی وەزیران دەنگی لەسەر خشتەی بودجەی گشتی فیدراڵی بۆ ساڵی 2024 داوە و ڕەوانەی ئەنجوومەنی نوێنەرانی کردووە بۆ پەسەندکردنی".

 

ئەوەی پێویستە بیزانیت: بە مەبەستی گفتوگۆكردن لەسەر هەمواری خشتەی بودجە و چارەسەركردنی ئەو گرفتانەی بۆ پشكی هەرێمی کوردستان دروست دەبێت، هەفتەی ڕابردوو شاندێکی هەرێمی کوردستان لە بەغدا بوون.