دوای تاوانبارکردنی لەلایەن دادگەوە کەمپەینی ترەمپ 53 ملیۆن دۆلاری دیکەی کۆکردەوە

ئاڤا نیوز

 

دوای ئەوەی دادگە بڕیاری تاوانبارکردنی ترەمپی دەرکرد، لایەنگرانی یارمەتیی زیاتری دارایی بۆ کۆدەکەنەوە.

 

وێنە گەورەکە: کەمپەینی بانگەشەی دۆناڵد ترەمپ، بەربژێری کۆمارییەکان بۆ سەرۆکایەتیی ئەمریکا ڕایگەیاند لە هەوڵێکی کۆکردنەوەی یارمەتیی بۆ کەمپەینەکە کە بە شێوەی ئۆنلاین بووە توانیویانە 52.8 ملیۆن دۆلار کۆ بکەنەوە کە دەکاتە زیاتر لە 2 ملیۆن دۆلار لە هەر کاتژمێرێکدا. 

 

زانیاریی زیاتر: دادگەی نیویۆرک تۆمەتی ساختەکردنی بەڵگەنامە داراییەکانی بە ئامانجی پێدانی پارە لە بەرامبەر بێدەنگکردن لە سەر ترەمپ ساغ کردەوە و بە تاوانباری ناساند.

 

بۆچی گرنگە: ئەمە نیشانی دەدات کە پێ ناچێت بڕیاری دادگەی نیویۆرک کاریگەرییەکی ئەوتۆی لە سەر لایەنگرانی ترەمپ هەبوو بێت، بەڵکو لەوانەیە ترەمپ بۆ ڕاکێشانی دەنگی زیاتر سوودی لێوەربگرێت.