چین کۆمەڵێک پرۆژە لە عێراق جێبەجێدەکات

ئاڤا نیوز 

لەچوارچێوەی ڕێکەوتنی ستراتیژی نێوانیان، وڵاتی چین 200 پرۆژە لە عێراق جێبەجێدەکات.

وێنە گەورەكە: لە دوو ساڵی ڕابردوودا قەبارەی ئاڵوگۆڕی بازرگانی نێوان عێراق و چین 50 ملیار دۆلاری تێپەڕاندووە.

ڕاگەیێنراوی فەرمی: حەیدەر ئەلروبێعی، سەرۆکی ئەنجوومەنی کاری عێراقی ڕایگەیاند:"لە چوارچێوەی ڕێکەوتنی ستراتیژی نێوان عێراق و چین پارێزگاکانی عێراق 200 پرۆژەیان پێشکەش کردووە، کە لەبەرامبەردا ڕۆژانە عێراق 100 هەزار بەرمیل نەوت ڕەوانەی چین دەکات و ئێستا بۆ 150 هەزار بەرمیل زیادیکردووە ".

زانیاریی زیاتر:"پێشنیازمان بۆ باڵیۆزی چین لە عێراق کردووە، داوەتنامەیەک بۆ سەرۆکوەزیرانی عێراق بنێرن بەمەبەستی سەردانیکردنی چین بۆ گفتوگۆکردن لەبارەی ئەو پرۆژە هاوبەشانە". حەیدەر ئەلروبەیعی ئەوەشی گوت.

ئەوەی پێویستە بیزانیت: عێراق و چین لە ساڵانی ڕابردوودا کۆمەڵە ڕێکەوتنێكی ستراتیژییان لە بواری ئابووری و بازرگانی و نەوتدا واژۆکردووە.