پارێزگاری هەولێر: ئاڤا کەرنەڤاڵێکی گەورەی وەرزشی لە ئیسکان سازدا

ئاڤا نیوز

هەزاران کەس لە سەرجەم شار و شارۆچکەکانی هەرێمی کوردستان، لە کەشێکی ئارامدا لە چوارچێوەی کەرنەڤاڵەکەی ئاڤا، لە شەقامی ئیسکان بینەری یاریی كۆتایی چامپیۆنزلیگ بوون.

وێنە گەورەکە: هەزاران کەس بە درێژایی شەقامی ئیسکان بەدیار شاشەکانی ئاڤاوە وەستابوون بۆ سەیرکردنی یاریی كۆتایی چامپیۆنزلیگ لە نێوان ڕیال مەدرید و برووسیا دۆرتمۆند، شادی و ئاهەنگگێڕان ئاوێزان بوون، تا بەرەبەیان بەردەوام بوو.

لێدوانی فەرمی: ئومێد خۆشناو، پارێزگاری هەولێر بە ئاڤا نیوزی گوت:"هەزاران گەنج و لاو لە پارێزگاکانی سلێمانی، دهۆک و شار و شارۆچکەکانی سەر بە ئیدارە سەربەخۆکان میوانی هەولێر و ئاڤا سپۆرت بوون و زۆرینەیان یەکەمجاریان بوو پایتەختی هەرێمی کوردستان ببینن، لە کەرنەڤاڵێکی گەورەی ئاڤا بەشداربوون".

ئەوەی پێویستە بیزانیت: کاتژمێر 10:00ـی شەوی شەممە 01-06-2024 یاریی کۆتایی چامپیۆنزلیگ لەنێوان هەردوو یانەی ڕیال مەدرید و برووسیا دۆرتمۆند بەڕێوەچوو، ڕیاڵ مەدرید بە دوو گۆڵی دانی کارڤاخاڵ و ڤینیسیۆس جۆنیۆر یارییەکەی بردەوە و بۆ جاری 15 یەم لە مێژوودا نازناوەکەی بەدەستهێنا.