سێشەممە لیستی مووچەی مانگی پێنج ڕەوانەی بەغدا دەكرێت

ئاڤا نیوز

 

گوتەبێژی حكومەتی هەرێمی كوردستان ڕایگەیاند، سێشەممە لیستی مووچەی مووچەخۆرانی هەرێمی كوردستان ڕەوانەی بەغدا دەكرێت.

 

لێدوانی فەرمی: پێشەوا هەورامانی، گوتەبێژی حكومەتی هەرێمی كوردستان بە ئاڤا نیوزی ڕاگەیاند: "هاوشێوەی مانگی پێشوو، سبەی سێشەممە لیستی مووچەی مانگی پێنجی مووچەخۆرانی هەرێمی كوردستان ڕەوانەی بەغدا دەكرێت".

 

ئەوەی پێویستە بیزانیت: سەرچاوەیەك لە وەزارەتی دارایی حكومەتی هەرێمی كوردستان بە ئاڤا نیوزی گوت: "سەرجەم ڕێكارەكان لەلایەن هەرێمی كوردستانەوە بۆ ناردنی مووچەی مانگی پێنج تەواو كراوە".

 

زانیاریی زیاتر: لە خشتەی بودجەی 2024 پشکی هەرێمی کوردستان زیاتر دەبێت لە %12.67 و مووچەی مووچەخۆران لە بودجەی گشتی جیا کراوەتەوە.