ناوەڕۆكی كۆبوونەوەی قاسم ئەعرەجی لە هەرێمی كوردستان

ئاڤا نیوز

نووسینگەی قاسم ئەعرەجی ڕاوێژكاری ئاسایشی نیشتیمانی عێراق ڕایگەیاند، لەگەڵ شاندی هەرێمی کوردستان تاوتوێی بەردەوامی هەماهەنگی هاوبەش و ئاڵوگۆڕی زانیاریی هەواڵگری کراوە.

وێنە گەورەکە: ڕۆژی سێشەمە 04-06-2024، قاسم ئەعرەجی ڕاوێژكاری ئاسایشی نیشتیمانی عێراق گەیشتە هەولێر و لەگەڵ وەزیری ناوخۆی حكومەتی هەرێمی كوردستان کۆبووەوە، باس لە پرسی ئەمنیی و هەماهەنگی زیاتری هێزەكان و پرسی ئاوارەكان و چەند پرسێكی دیكە کران.

ڕاگەیێنراوی فەرمی: لەگەڵ شاندی هەرێمی کوردستان تاوتوێی بەردەوامیی هەماهەنگی هاوبەش و ئاڵوگۆڕی زانیاریی هەواڵگری کرا، جەخت لە  گرنگی یەکخستنی  ئەو بوارە بۆ بەدیهێنانی یەکگرتن لە جێبەجێکردنی ئەرکە ئەمنیی و هەواڵگرییەکاندا کرایەوە. نووسینگەی ڕاوێژكاری ئاسایشی نیشتیمانی عێراق وا دەڵێت.

زانیاریی بەدەستهاتوو: یەکێک لە پرسەکانی نێو کۆبوونەوەکە پرسی گەڕانەوەی ئاوارەکان بوو،  لەكاتێكدا کەمتر لە دوو مانگی ماوە بۆ کۆتاییهاتنی وادەی داخستنی یەکجاریی کەمپی ئاوارەکان لە هەرێمی کوردستان، بەڵام حکومەتی عێراق ئامادەسازی بۆ گەڕانەوەیان نەکردووە.