لە هەولێر چەند لایەنێک فۆڕمی بەشداریکردنی هەڵبژاردنیان نەگەڕاندووەتەوە

ئاڤا نیوز

 

پێنج بەربژێری سەر بە پێکهاتەکان دەیانەوێت بەشێوەی سەربەخۆ بەشداریی هەڵبژاردن بکەن.

 

وێنە گەورەکە: حزب، هاوپێمانی و بەربژێرانی سەربەخۆ فۆڕمی بەشداریکردن لە هەڵبژاردنی خولی شەشەمی پەرلەمانی کوردستان پڕ دەکەنەوە.

 

لێدوانی فەرمی: "لە دوێنێوە دوو حزب و 12 بەربژێری سەربەخۆ(پێنجیان سەربە پێکهاتەکانن)، سەردانیان کردووین و فۆڕمی بەشداریکردنیان وەرگرتووە". مەروان محەمەد، بەرپرسی ئۆفیسی هەولێری کۆمسیۆنی هەڵبژاردەکانی عێراق ئەمەی بە ئاڤا نیوز گووت.

 

زانیاریی زیاتر: ئەو بەرپرسە دەشڵێت: "تائێستا فۆڕمەکان نەگەڕێنراونەتەوە".

 

ئەمەش بزانە: کۆمسیۆنی هەڵبژاردنەکانی عێراق ڕۆژی 5-9-2024ـی بۆ بەڕێوەچوونی هەڵبژاردنی پەرلەمانی کوردستان پێشنیاز کردووە، تائێستا سەرۆکایەتیی هەرێمی کوردستان وەڵامی پێشنیازەکەی نەداوەتەوە.