دوو ژنی كورد  لە هەڵبژاردنی پەرلەمانی ئەوروپا سەرکەوتن

ئاڤا نیوز

لە كۆی حەوت كورد كە بەربژێربوون بۆ ئەندامی پەرلەمانی ئەوروپا، تەنها دووانیان توانییان سەربکەون و هەردووکیشیان ژن بوون.

وێنە گەورەكە: بەپێی ئەنجامی كۆتایی هەڵبژاردنەكانی پەرلەمانی ئەوروپا، لە كۆی ئەو حەوت كوردەی بەربژێربوون، تەنها دوویان توانییان دەنگی پێویست بەدەستبهێنن، هەردووكیشیان پێشتر ئەندامی پەرلەمانی ئەوروپا بوون.

ئەوەی پێویستە بیزانیت:  ئۆزلەم ئاڵەڤ دەمیرڵ و ئەڤین ئینجیر، دوو بەربژێرە سەرکەوتووەکەن. ئۆزلەم خەڵكی باكوری كوردستانە و لە سەر لیستی چەپەكانی ئەڵمانیا بەربژێر بوو، ئەڤین ئینجیر، خەڵكی ئامەدی باكووری كوردستانە و لە وڵاتی سوویدەوە بوو بە ئەندامی پەرلەمانی ئەوروپا.

بۆچی گرنگە: ئەو پەرلەمانتارانە دەتوانن ڕۆڵیان هەبێت لە بەرەوپێشەوەبردنی دۆزی كورد لە ئەوروپا و جیهاندا.

ئەمەش بزانە: لە تەواوی ئەوروپا زیاتر لە ملیۆنێك كورد مافی دەنگدانیان هەبوو، لە كۆی 27 وڵاتی یەكێتییەكە زۆرینەیان لە ئەڵمانیا و سویدن.