لیستی مووچەی مانگی پێنج ڕاگەیێنرا

ئاڤا نیوز

 

وەزارەتی دارایی و ئابووری هەرێمی کوردستان لیستی دابەشکردنی مووچەی فەرمانبەرانی بۆ مانگی پێنج بڵاوکردەوە و بە سێ ڕۆژ دابەش دەكرێت.

وێنە گەورەکە: حکومەتی هەرێم لە هەوڵدایە بۆ چارەسەرکردنی یەکجارەکی دواکەوتنی مووچە و هەوڵەکان لە گەیشتنە ئەنجامی کۆتایی نزیکن.

ڕاگەیێنراوی فەرمی: وەزارەتی دارایی و ئابووری هەرێمی كوردستان ڕایگەیاند: ڕۆژی سێشەمە 11-6-2024 دابەشکردنی مووچە دەستپێکدەکات و ڕۆژی پێنجشەممە کۆتایی دێت، واتا لە سێ ڕۆژدا مووچە دابەش دەکرێت.

زانیاریی زیاتر: لیستەکەی وەزارەتی دارایی مووچەی پێشمەرگە خانەنشینانی سەربازی و هێزە ئەمنییەكانی تێدا نییە، لەبەرئەوەی هێشتا پارەکەیان لە وەزارەتی دارایی عێراق تەمویل نەکراوە، ئەوەی ئێستا گەیشتووە 419 ملیار و 190 ملیۆن دینارە.

ئەوەی پێویستە بیزانیت: لیستەکە مووچەی پێشمەرگە و هێزە ئەمنییەکانی تێدا نییە، بە گوێرەی وەزارەتی دارایی عێراق دەست بە وردبینی بۆ ناوەکانیان دەکرێت و هەوڵدەدرێت بەر لە جەژنی قوربان، مووچەی مانگی پێنجی ئەوانیش دابەش بەکرێت.

باكگراوند: ئەمڕۆ دووشەممە، وەزارەتی دارایی هەرێمی کوردستان رایگەیاند: پارە لە بەغداوە بۆ مووچەی مانگی چواری هێزە ئەمنییەکان گەیشتووە و دەست بە دابەشکردنی دەکەن.

 

وێنەی لیستەکە