جی حەوت کۆبوونەوەی "لووتکەی دۆڕاوەکانی جیهان" بوو؟

ئاڤا نیوز

 

ئاژانسی ئاکسیۆسی ئەمریکی کۆبوونەوەی لووتکەی وڵاتانی جی7 بە "لوتکەی دۆڕاوەکانی جیهان" ناو دەبات. ئەمەش لەبەرئەوەی ئەو سەرۆکانە لە وڵاتەکانیان خۆشەویستیی خەڵکیان لەدەستداوە.

 

وێنە گەورەکە: جگە لە جۆرجیا میلۆنی، سەرۆکوەزیرانی ئیتاڵیا کە لایەنگریی خەڵکی وڵاتەکەی پاراستووە و تەنانەت بۆ سەروو 40٪ زیادی کردووە، سەرۆکەکانی دیکە ڕەزامەندی و خۆشەویستیی خەڵکی خۆیانیان لەدەست داوە.

 

زانیاریی زیاتر: لە زۆربەی ڕاپرسییەکاندا خۆشویستراویی دۆناڵد ترەمپ لە هی بایدن زیاترە؛ بە جۆرێک ڕێژەی لایەنگریی خەڵکی ئەمریکا بۆ بایدن 37٪ تێناپەڕێت. سەرۆکەکانی دیکەش بە هەمانشێوەن: جەستین ترۆدۆی کەنەدا 30٪، ئۆڵاف شۆلتزی ئەڵمانیا 25٪، ڕیشی سوناکی بەریتانیا 25٪، ئیمانوێل ماکرۆنی فەڕەنسا 21٪ و فومیۆ کیشیدای ژاپۆنی 13٪ـی ڕەزامەندیی خەڵکی وڵاتەکەیان بەدەستهێناوە. 

 

بۆچی گرنگە: پارتەکەی میلۆنی، پارتی برایانی ئیتالیا، پارتێکی ڕاستڕەوە. ڕاستڕەوەکان لە هەڵبژاردنەکانی پەرلەمانی ئەوروپا توانییان ژمارەی دەنگەکانیان زیاتر بکەن.