داوایەکی نووری مالیکی لەبارەى هەڵبژاردنی پێشوەختە ڕەت دەکرێتەوە

ئاڤا نیوز 

 

لەبارەى هەڵوەشاندنەوەی پەرلەمانی عێراق و ئەنجامدانى هەڵبژاردنی پێشوەختە چوارچێوەی هەماهەنگی داوایەکی نووری مالیکی، سەرۆکی هاوپەیمانیی دەوڵەتی یاسا ڕەت دەکاتەوە.

 

وێنە گەورەکە: لە چاوپێکەوتنێکدا نووری مالیکی، سەرۆکی هاوپەیمانیی دەوڵەتی یاسا داوای هەڵوەشاندنەوەی پەرلەمانی عێراق و ئەنجامدانى هەڵبژاردنی پێشوەختەی کرد.

 

زانیاریی بەدەستهاتوو: زۆربەی لایه‌نه‌كانی چوارچێوەی هەماهەنگی داواكه‌ی مالیکییان ڕەتکردووەتەوە, ڕەوتی حیکمە بە سەرۆکایەتیی عەممار حەکیم و ڕەوتی نەسر بە سەرۆکایەتیی حەیدەر عەبادی هەڵبژاردنی پێشوەخته به‌ پێویست نازانن.

 

لێدوانی فەرمی: فه‌هد جبووری، ئه‌ندامی ڕەوتی حیكمه‌ تایبه‌ت به‌ئاڤا نیوزی ڕاگەیاند: هیچ کۆدەنگییەک لەناو چوارچێوەی هەماهەنگیدا نییه بۆ ئەنجامدانى هەڵبژاردنی پێشوەختە، چونکە ئێستا وڵات سەقامگیرە و پێویست بە دروستکردنی قەیران ناکات.

 

زانیاریی زیاتر: مالیکی ئێستا بووەتە یەکێک لە "دیارترین نەیارەکانی" محەممەد شیاع سوودانی سەرۆکوەزیرانی عێراق.