لە یەک مانگدا عێراقییەکان نزیکەی 100 خانوویان لە تورکیا کڕیوە

ئاڤا نیوز 

 

دەستەی ئاماری تورکیا ئامارێکی سەبارەت بە کڕینی خانوو بڵاوکردووەتەوە، هاووڵاتیانی ڕووسی پلەی یەکەم و عێراقییەکان پلەی پێنجەمیان لە کڕینی خانوو لە تورکیا گرتووە، تەنیا لە ماوەی مانگی پێنجی 2024.

 

ڕاگەیێنراوی فەرمی: ڕێژەی فرۆشتنی خانوو لە تورکیا بەراورد بە مانگی پێنجی ئەمساڵ 2.4% دابەزیوە، لەکاتێکدا مانگی پێنجی ساڵی ڕابردوو گەیشتووەتە 110 هەزار و 588 خانوو.

 

ژمارەکان وادەڵێن: تەنیا لە مانگی پێنجی ئەمساڵ ڕووسییەکان 737 خانوویان کڕیوە، دوای ئەو ئێرانییەکان دێت بە کڕینی 207 خانوو، دواتر ئۆکراینییەکان 171، ئەڵمانییەکان 104 و عێراقییەکانیش لە پلەی پێنجەم دێن بە کڕینی 98 خانوو.

 

زانیاریی زیاتر: لە ساڵی 2015ـەوە عێراقییەکان لە سەرووی لیستی وڵاتان هاتوون لە کڕینی خانوو لە شارەکانی تورکیا، بەڵام لە ساڵی 2021 کەوتنە دوای ئێرانییەکان و لە نیسانی ساڵی 2022ـوەوەش کەوتنە پلەی سێییەم بەهۆی هەژموونی ڕووسییەکان بەسەر بازاڕی خانووبەرەی تورکیا.