حەج و عومرەی هەرێمی کوردستان کاتی گەڕانەوەی حاجییان ئاشکرا دەکات

ئاڤا نیوز

 

بەڕێوەبەرایەتیی حەج و عومرەی کوردستان کاتی گەڕانەوەی حاجییانی هەرێمی کوردستان هەم لەڕێگەی وشکانی و هەمیش لەڕێگەی ئاسمانی ئاشکرا دەکات و وەزارەتی گواستنەوەی عێراقیش ئاماژە بە کاتی گەڕانەوەی حاجییان بۆ عێراق دەکات.

 

وێنە گەورەکە: ئەمساڵ بۆ بەجێهێنانی فەریزەی حەج، لەڕێگەی وەزارەتی ئەوقافەوە چوار هەزار و 685 کەس گەشتی وڵاتی سعودیەیان کردبوو، دوو هەزار و 460 کەسیان لەڕێگەی وشکانی گەشتیان کردبوو.

 

لێدوانی فەرمی: کاروان ستوونی، گوتەبێژی بەڕێوەبەرایەتی حەج و عومرەی کوردستان بە ئاڤا نیوزی گوت: "بڕیارە ڕۆژی پێنجشەممە 22ـی حوزەیران کاروانی گەڕانەوەی حاجییان لەڕێگەی وشکانییەوە دەستپێبکات، لە سێشەممەی داهاتووەوە واتە لە 25-6-2024 گەشتە ئاسمانییەکان دەستپێدەکەن بۆ گەڕانەوەی حاجییانی کوردستان".

 

لەلایەکی دیکە: وەزارەتی گواستنەوەی عێراق ڕایگەیاند: هەموو ئامادەکارییەکان بۆ گواستنەوەی پێچەوانەی حاجیان تەواوکراوە، بڕیارە لە 22ـی حوزەیرانەوە گەشتەکان دەستپێبکات و تاوەکو سێی تەممووزی مانگی داهاتوو بەردەوام دەبێت.

 

ئەمەش بزانە: ئەمساڵ لە هەرێمی کوردستان لە 27 لەسەر 28ـی ئایار یەکەم گەشتی وشکانی و لە 29ـی ئایار یەکەم گەشتی ئاسمانی بۆ حەج کرا.