هاوکاریی دارایی هاوپەیمانان بەسەر لیوا هاوبەشەکانی پێشمەرگە دابەش دەکرێت

ئاڤا نیوز 

 

وەزارەتی پێشمەرگەی هەرێمی کوردستان ڕایگەیاند، لە چوارچێوەی هاوکارییەکانی هاوپەیمانان، هاوکاریی دارایی مانگی پێنج بەسەر پێشمەرگە دابەش دەکرێت. 

 

وێنە گەورەکە: هاوپەیمانان لە دوای هاتنی شەڕی داعشەوە، هاوکاریی سەربازی، لۆجستی و داراییان پێشکەش بە پێشمەرگە کردووە، لەو چوار چێوەیەشدا مانگانە 17 ملیۆن دۆلار بە پێشمەرگە دەدات.

 

ڕاگەیێنراوی فەرمی: لە چوارچێوەی  ئەو پشتیوانییە داراییەی کە لەلایەن هێزەکانی هاوپەیمانان بۆ هێزی پێشمەرگە دابین دەکرێت، بریار درا کە ڕۆژی دووشەممە 24ـی حوزەیرانی 2024 دەست بە دابەشکردنی هاوکاریی مانگی پێنج بکرێت. وەزارەتی پێشمەرگە لە ڕاگەیێنراوێکدا ئاماژە بەوە دەدات.

 

ڕوونکردنەوە: وەزارەتی پێشمەرگە دەڵێت: لەمەودوا ئەم بڕە پارەیەی هاوپەیمانان دەیدات، وەک هاوکاری دەدرێت بە هێزی پێشمەرگە و هیچ پەیوەندییەکی بە مووچەوە نابێت.

ئەوەی پێویستە بیزانیت: پڕۆسەی یەکگرتنەوەی لیواکان بەردەوامە و ژمارەی لیوا هاوبەشەکان گەیشتووەتە 28 لیوای هاوبەش.