لەسەر داوای سوودانی کۆبوونەوەی ئەنجوومەنی پارێزگای کەرکووک دەکرێت

ئاڤا نیوز

 

لەسەر داوای محەممەد شیاع سوودانی سەرۆکوەزیرانی عیراق، لەچەند ڕۆژی داهاتوو یەکەمین کۆبوونەوەی ئەنجوومەنی پارێزگای کەرکووک بەبەشداری لایەنە براوەکان دەکرێت.

وێنە گەورەکە: سەرەڕای سێ کۆبوونەوەی لایەنەکان بەسەرپەرشتی سوودانی،  تاوەکو ئێستا هیچ کۆبوونەوەیەکی ئەنجوومەنی پارێزگای کەرکووک نەکراوە.

بۆچی گرنگە: حەوت مانگ بەسەر هەڵبژاردنی ئەنجوومەنی پارێزگاکانی عێراق تێدەپەڕێت، کورد زۆرینەی کوورسییەکانی پارێزگای کەرکووکی بەدەستهێناوە، چاوی لە وەرگرتنەوەی پۆستی پارێزگارە، کە لە دوای ڕووداوەکانی 16ی ئۆکتۆبەری 2017 لەدەستیداوە.

لێدوانی فەرمی: ئیسماعیل حەدیدی، سەرکردە لە هاوپەیمانیی عەرەبی بۆ ئاڤا نیوز گوتی: "لە ماوەی 10 رۆژی داهاتوو یەکەمین دانیشتنی ئەنجوومەنی پارێزگار دەکرێت، بەڵام کۆبوونەوەکە تەنیا بۆ لێکنزیکبوونەوەی لایەنەکانە و هیچ بڕیارێک نادرێت."

ئەوەی پێویستە بیزانیت:بەشێکی زۆری لایەنەکان کۆکن لەسەر پێشنیازی وەرگرتنی پۆستی پارێزگار دوو ساڵ بۆ کورد و دوو ساڵ بۆ عەرەب.