پشووی جەژنی غەدیر ناکۆکی دروست دەکات

ئاڤا نیوز

هه‌ردوو وه‌زیرانی ناوخۆ و ته‌ندروستی عێراق، به‌بۆنه‌ی پشووی جەژنی غەدیره‌وه‌ سه‌ردانی نه‌جه‌فیان كرد، ده‌سته‌ی زانایانی ئایینی موسڵمانانیش پشووەکە ڕه‌تده‌كاته‌وه‌.

زانیاریی به‌ده‌ستهاتوو: عەبدولئەمیر شەمەری وەزیری ناوخۆ و ساڵح حەسناوی وەزیری تەندروستی عێراق، سه‌ردانی نه‌جه‌فیان كرد به‌مه‌به‌ستی دڵنیابوون له‌ پلانی ئەمنیی و تەندروستی دارێژراو بۆ جەژنی غەدیر .

وێنە گەورەکە: ڕۆژی 19-04-2024، موقتەدا سەدر، ڕێبەری ڕەوتی نیشتمانی شیعە داوای لە پەرلەمان کرد یاسایەک دەربکات کە تێیدا دەوامی فەرمی لە جەژنی غەدیردا بکرێتە پشوو.

لێدوانی فەرمی: قەیس خەزعەلی، ئەمینداری عەسائیبی ئەهلی حه‌ق ڕایگەیاند: بە نیشتمانیکردنی جەژنی غەدیر تایبەتمه‌ندیه‌كی به‌خشیه‌ چالاکییەکانی ئەمساڵی  نەجەف، به‌و هۆیه‌وه‌ لایه‌نگرانی ئیمامی عه‌لی به‌گڕوتینێكی زۆره‌وه‌ به‌شداری تێداده‌كه‌ن.

گۆشەیەکی دیکە: لە بەرامبەردا ده‌سته‌ی زانایانی موسڵمان داوا لە سه‌رجه‌م هاووڵاتیانی عێراق دەکات، سبەینێ بکه‌نه‌ "ڕۆژی کاری نیشتمانی" نه‌ك پشووی فەرمی.