هەڵبژاردنە نێوخۆییەکانی پارتی دەستپێدەکات

ئاڤا نیوز

هەڵبژاردنی ئۆرگانەکانی پارتی لە سەرئاستی مەکتەبەکانی ڕێکخستنی پارێزگا و لقەکان دەستپێدەکات و نزیکەی 10 ڕۆژ دەخایەنێت.

وێنە گەورەکە: 12 ساڵە هەڵبژاردن لە نێو ئۆرگانەکانی پارتی نەکراوە، لە  کۆنگرەی 14ـی پارتی بڕیار لەسەر کۆنفرانسی نێوخۆیی حیزب درا، پڕۆسەکە لە ناوچەکان دەستیپێکردووە.

شێوازی جێبەجێکردن: لە قۆناغی یەکەم بنکەکان سەرۆک و کارگێڕەکانی ڕێکخراو هەڵدەبژێرن، سەرۆکی ڕێکخراو و دوو کارگێڕەکەی بەرپرسی ناوچە و شەش کارگێڕ هەڵدەبژێرن. ئەوانیش شەش کارگێڕ بۆ لقەکان هەڵدەبژێرن، کارگێڕانی لق دەنگ بۆ هەڵبژاردنی بەشەکانی مەکتەبی ڕێکخستنی پارێزگاکەیان دەدەن.

ئەمەش بزانە: ئەم هەڵبژاردنە بەرپرسی لق و مەکتەبی ڕێکخستنی پارێزگاکان ناگرێتەوە و تەنیا لە نێو ئۆرگانەکانی دیکەدا دەکرێت.

ئەوەی پێویستە بیزانیت: لیژنەیەکی باڵا بۆ مەکتەبی ڕێکخستنی هەر پارێزگایەک پێکهێنراوە، لە 17 لق ھەڵبژاردن دەکرێت، بۆ ھەر 17 لقەکەش لیژنە دیاریکراوە، ژنانیش لە هەڵبژاردنەکە بە رێژە بەشداری دەکەن و لە پەیڕەودا بەشدارییان کراوەتە بڕیار.