چەند فراکسیۆنێک پارێزگارەکەی عەسائیبی ئەهلی حەق لە بابل ڕەتدەکەنەوە

ئاڤا دیجیتاڵ 

 

ژمارەیەک فراکسیۆنی ئەنجوومەنی پارێزگای بابل، هەڵبژاردنی عەدنان فێحان بە پارێزگاری شارەکە رەتدەکەنەوە و داوای خۆپێشاندان دەکەن. 

 

لێدوانی فەرمی: کاتژمێر دووی بەرەبەیان 11 ئەندامی ئەنجوومەنی پارێزگای بابل، کۆبوونەوەیەکی نایاسایی ئەنجوومەنیان ئەنجامداوە و کەسانی سەر بە لایەنە گەندەڵەکانیان هەڵبژاردووە، بۆیە پێویستە لەسەر خەڵکی بابل خۆیان بۆ شۆڕش ئامادە بکەن و بڕژێنە سەر شەقام". محەممەد مەنسووری، ئەندامی ئەنجوومەنی پارێزگای بابل وای گوت.

 

زانیاریی زیاتر: فراکسیۆنەکانی (ئیشراقەی کانوون، پەرلەمانی گەل، گردبوونەوەی فاو و زاخۆ) دژی کۆبوونەوەی ئەنجوومەنی پارێزگای بابل بوون کە عەدنان فێحان وەکو پارێزگاری شارەکە هەڵبژێردرا. 

 

ئەوەی پێویستە بیزانیت: بڕیارە لە ماوەی 10 رۆژی دیکەدا، ئاڵۆگۆڕی دەسەڵات لەنێوان پارێزگاری کۆن و نوێی بابلدا بکرێت.

 

باکگراوند: عەدنان فێحان، پەرلەمانتاری فراکسیۆنی سادیقونی سەر بە عەسائیبی ئەهلی حەقە کە قەیس خەزعەلی سەرۆکایەتی دەکات. شەوی دووشەممە، ئەنجوومەنی پارێزگای بابل، عەدنان فێحانی وەکو پارێزگاری نوێی شارەکە هەڵیبژارد.