پەرلەمانتارێک: 70%ـی هێڵە ئاسنینەکانی عێراق بە کەڵک نایەن

ئاڤا نیوز

 

زۆرینەی شەمەندەفەر و هێڵە ئاسنینەکانی نێوان شارەکانی عێراق لە کار کەوتوون و پەرلەمانتارێک دەڵێت، "هێڵی ئاسنین لە عێراق وەک پێویست نییە".

 

وێنە گەورەکە: حکومەتی عێراق هەوڵ دەدات کەرتی هێڵی ئاسنین چالاک بکاتەوە و بیخاتە خزمەتی هاووڵاتیان، بەڵام بە گوتەی پەرلەمانتارێک 70%ـی ئەو هێڵانە، لە کار کەوتوون و لەڕووی خزمەتگوزارییەوە پاشکەوتوون.

 

لێدوانی فەرمی: زوهێر فەتلاوی، ئەندامی لیژنەی گواستنەوە و گەیاندنی پەرلەمانی عێراق ڕایگەیاند، "شەمەندەفەر و ژێرخانی هێڵە ئاسنینەکان  وێرانە، زۆرینەیان کۆنن و خێرا نین".

 

کاریگەری و لێکەوتەکان: بە بوونی خزمەتگوزاریی هێڵی گواستنەوەی شەمەندەفەر، ڕێژەی قەرەباڵغی و ڕووداوی هاتووچۆ کەم دەبێتەوە.

 

هۆکارە زانراوەکان: بەپێی گوتەکانی زوهێر فەتلاوی، کەمتەرخەمیی حکومەت و جەنگیی داعش و مامەڵەی خراپی خەڵک کە زۆرجار کەلوپەلەکانی شەمەندەفەرکان دەشکێنن و تێکدەدەن هۆکاری خراپی ئەم کەرتەن.