لە عێراق تووشبووانی نەخۆشییەک چاودێریی کۆمەڵایەتی دەیانگرێتەوە

ئاڤا نیوز

 

وەزارەتی کار و کاروباری کۆمەڵایەتیی عێراق بڕیاری دا چاودێریی كۆمه‌ڵایه‌تی تووشبووانی نه‌خۆشیی شێرپەنجەش بگرێته‌وه.

 

وێنە گەورەکە: ساڵ به‌ ساڵ له‌ عێراق ئاماره‌كانی تووشبوون به‌ نه‌خۆشیی شێرپه‌نجه‌ له‌ هه‌ڵكشان دایه‌ و بەغدا بە پلەی یەکەم دێت.

 

لێدوانی فەرمی: نەجم عەقابی، گوتەبێژی وەزارەتی کار و کاروباری کۆمەڵایەتیی عێراق ڕایگەیاند، تووشبووانی نه‌خۆشیی شێرپەنجە ده‌خرێنه‌ نێو لیستی چاودێریی کۆمەڵایەتییەوە، بەمەرجێک ڕێژەی تووشبوونیان 75% كه‌متر نه‌بێت یانیش لەژێر هێڵی هەژاری دابن.

 

زانیاریی زیاتر: مانگانە سەرووی دوو ملیۆن خێزان لە وەزارەتی کار و کاروباری کۆمەڵایەتیی عێراق بیمه‌ی بێكاری و چاودێریی كۆمه‌ڵایه‌تی وه‌رده‌گرن.