پارتی لە بازنەی هەولێر چەند گۆڕانکارییەک لە بەربژێرانی دەکات

ئاڤا نیوز

یەک ڕۆژ ماوە بۆ پێشکەشکردنی ناوی بەربژێرانی لیست و قەوارە و بەربژێرە سەربەخۆکان، پارتی دیموکراتی کوردستان گۆڕانکاری لە لیستی بەربژێرانی دەکات و سبەی پێشکەشی کۆمیسیۆنی دەکات.

وێنە گەورەکە: بۆ هەڵبژاردنی خولی شەشەمی پەرلەمانی کوردستان کە بڕیارە 20-10ی  ئەمساڵ بکرێت، پارتی لە ئامادەکارییەکان بەردەوامە و لیستی بەربژێرانی لە هەر چوار بازنە ئامادەکردووە.

ئەوەی پێویستە بیزانیت: دوای یەکلاکردنەوەی سەرۆکی لیست لە پارێزگای دهۆک، لە بازنەی هەولێر  چەند ناوێک زیادکراون و چاوەڕوان دەکرێت چەند گۆڕانکارییەکی دیکەش لە هەر چوار بازنە بکات.

زانیاریی تایبەت: باران حەسەن بانیمارانی لە سنووری لقی 16 بەربژێر بوو، بەڵام داوای بەخشینی کردووە بۆ ئەم خولە. لە سنووری لقی 10 دوو ناوی دیکە زیادکراون کە پێکهاتوون لە هەڵگورد شێخ نەجیب، سەرپەرشتیاری ئیدارەی سەربەخۆی سۆران و دوریا ڕواندزی.

ئەوەی پێویستە بیزانیت: پارتی لە هەولێر 68 بەربژێری هەیە و بەسەر شەش لقدا دابەش کراون؛ 

سنووری لقی دوو: 27 بەربژێر.

سنووری لقی 16: ژمارەی بەربژێرەكانی 12 کەسە.

سنووری لقی 23: تەنیا یەک بەربژێری دەبێت.

سنووری لقی 24: ژمارەی بەربژێرەكانی 12 كەسە.

سنووری لقی 10: ژمارەی بەربژێرەكانی 15-یە .

سنووری لقی 26: تەنیا یەک بەربژێری هەیە.