هەفتەی داهاتوو تیروپشک بۆ پێدانی ژمارە بە لیست و بەربژێران دەکرێت

ئاڤا نیوز

ناوی لیست، ھاوپەیمانی و بەربژێر لە وەزارەتی ناوخۆ و دەستەی دەستپاکییە لە ماوەی سێ ڕۆژدا ڕەوانەی کۆمیسیۆن دەکرێنەوە، دواتر تیر و پشك بۆ ئەو بەربژێر و لیستانە دەكرێت كە پێشتر تۆمار نەكرابوون.

وێنە گەورەکە: هەزار و 197 بەربژێری پەرلەمانی کوردستان لە چوار بازنە وردبینی لە ناو و زانیاریی بەربژێر، لیست و هاوپەیمانی بە دوو قۆناغدا تێپەڕدەبێت، قۆناغی یەکەم لەلایەن کۆمیسیۆن و قۆناغی دووەم دەستەی دەستپاکی و وەزارەتی ناوخۆ وردبینییەکە دەکەن.

لێدوانی فەرمی: د. عیماد جەمیل، سەرۆکی تیمی ڕاگەیاندنی ئەنجوومەنی کۆمیسیارانی عێراق بە ئاڤا نیوزی گوت: "دوای گەڕانەوەی ناوەکان پڕۆسەی تیر و پشک بۆ ئەو بەربژێر و لیستانە دەکرێت کە پێشووتر تۆمارنەکرابوون و ژمارەیان پێدەدرێت".

زانیاریی زیاتر:" سێ ڕۆژ وەک وادەی تەواوبوونی وردبینی لە دەستەی دەستپاکی و وەزارەتی ناوخۆ ماوە، هەفتەی داهاتوو تیروپشک بۆ پێدانی ژمارە بە لیست و بەربژێرەکان دەکرێت".

ئەوەی پێویستە بیزانیت: دوو بەربژێر لە قۆناغی یەکەمی وردبینی لایەن لقی دهۆکی کۆمیسیۆن بەهۆی کارتی نیشتمانییان دوورخراونەتەوە، تاوەکو ئێستا ژمارەی ئەو بەربژێرانەی لە قۆناغی دووەم دووردەخرێنەوە ڕانەگەیێنراوە.