شای ئوردن ترسی هەیە وڵاتەکەی ببێتە مەیدانی شەڕ

ئاڤا نیوز

 

شای ئوردن هۆشداری دەدات لەوەی خاکی وڵاتەکەی بکرێتە مەیدانی جەنگ و ژیانی خەڵکەکەشی بخرێتە مەترسییەوە.

 

وێنە گەورەکە: دوای پەرەسەندنی زیاتری گرژییەکانی نێوان ئێران و ئیسرائیل، دۆخی ڕۆژهەڵاتی نێوەڕاست لە ژێر مەترسیی هەڵگیرسانی شەرێکی دیکە دایە. گومان هەیە ئوردنیش پڕشکی ئاگرەکەی بەر بکەوێت.

بڵاوکراوەی فەرمی: دیوانی پاشایەتی لە زاری شا عەبدوڵڵاوە نووسیویەتی: "لە عەممان پێشوازیمان لە شاندێکی کۆنگرێسی ئەمریکا کرد و لەوە ئاگادارمان کردنەوە کە ناوچەکە لە بەردەم هەڕەشەی فراوان بوونی ململانێکان دایە. ڕێگە نادەین خاکمان ببێتە مەیدانی جەنگ".

 

لەلایەکی دیکەوە: ئەیمەن سەفەدی، وەزیری دەرەوەی ئوردن ڕایگەیاند: "وڵاتەکەمان نابێتە مەیدانی شەڕ بۆ هیج لایەنێک، ڕێگەش نادەین ئاسمانی وڵاتەکەمان بۆ ئەو مەبەستە بەکاربهێنرێت".

زانیاریی زیاتر: سەفەدی ئاماژە بەوەش دەکات: "هەر شتێک بەسەر ئاسمانی ئوردندا تێپەڕێت و مەترسی بێت بۆ  سەر خەڵکەکەمان، دەیخەینە خوارەوە".