نەتانیاهۆ ناهێڵێت وەزیرەکانی لێدوان بدەن

ئاڤا نیوز

میدیاکانی ئیسرائیل ئاشکرایان کردووە کە بنیامین نەتانیاهۆ، سەرۆکوەزیرانی ئیسرائیل، هۆشداریی داوەتە وەزیرەکانی کابینەکەی لەسەر بابەتە ئەمنییەکان قسە نەکەن.

وێنە گەورەکە: ئەم هۆشدارییەی نەتەنیاهۆ لەکاتێکدایە گرژییەکانی نێوان ئیسرائیل و ئێران لە هەر کاتێکی دیکە زیاترە و، جیهان چاوەڕێی هێرشی ئێران بۆ سەر ئیسرائیل دەکات.

زانیاریی زیاتر: پێشتر چەند ڕاپۆرتێکی میدیایی مەزەندەی دامەزراوە هەواڵگرییەکانی ئیسرائیلیان سەبارەت بە هێرشی ئێران بۆ سەر ئیسرائیل بڵاوکردبووەوە و پێشبینی  دەکرێت تاوەکو 15ی ئەم مانگە هێرشەکە بکرێت.

باکگراوند: ڕۆژی 31-7-2024، ئیسماعیل هەنییە، سەرۆکی مەکتەبی سیاسیی حەماس لە تاران کوژرا، لەوکاتەوە ئێران بەڵێنی تۆڵەسەندنەوەی داوە.