ئەنتۆنی بلینكن: لە ڕۆژانی داهاتوودا ڕێككەوتنەكەی غەززە جێبەجێ دەكرێت

ئاڤا نیوز

 

ئەنتۆنی بلینکن، وەزیری دەرەوەی ئەمریکا لەمیانی سەردانەکەی بۆ قەتەر ڕایگەیاند، دەبێت حەماس ڕازیبێت لەسەر ڕێككەوتنی ئاگربەست لەگەڵ ئیسرائیل و لە ڕۆژانی داهاتوودا، ڕێككەوتنەكەی غەززە جێبەجێ دەكرێت.

 

ئەوەی پێویستە بیزانیت: ئەمریكا، بەریتانیا، فەڕەنسا، قەتەر، میسر و چەندین وڵاتی دیكە چاودێری ڕێككەوتنی ئاگربەستی نێوان حەماس و ئیسرائیل دەكەن.

 

لێدوانی فەرمی: ئەنتۆنی بلینكن، وەزیری دەرەوەی ئەمریكا ڕایگەیاند: دەمانەوێت حەماس ڕاستەوخۆ بچێتە ناو ڕێككەوتنەكەوە، زۆر ڕاستگۆیانە كاری لەسەر دەكەین، لە ڕۆژانی داهاتوودا ڕێككەوتنەكەی غەززە جێبەجێ دەكرێت، داوا دەكەین هیچ لایەنێک ئاڵۆزی دروست نەكات و ئەمریكا پابەندە بەڕێككەوتنەكە.

 

ئەمەش بزانە: حەماس و ئیسرائیل لە ژێر فشارێكی زۆردان بۆ ئەوەی بەڕێككەوتن و ئاگربەست ڕازی ببن.

 

بۆچی گرنگە: ئەمریكا كار لەسەر ئەوەدەكات ئەم ڕێككەوتنە پێش ئەنجامدانی هەڵبژاردنی سەرۆكایەتیی ئەمریكا جێبەجێ بکرێت، چونكە وەک دەستكەوتێک بۆ دیموكراتەكان و جۆ بایدن تۆمار دەكرێت.