مەحموود عەباس داوایەک ئاراستەی حەماس دەکات

ئاڤا نیوز

مەحموود عەباس داوا لە حەماس دەکات بەخێرایی ڕێککەوتن لەگەڵ ئیسرائیل بکات، لەپێناو ڕێگەگرتن لە شەپۆلێکی دیکەی کۆچ.

وێنە گەورەکە: هێرشی ئیسرائیل بۆ سەر ناوچەی ڕەفەح لە كەرتی غەززە، كاردانەوەی نێودەوەڵەتی لێكەوتووەتەوە و جیهان هۆشداری دەدات "کارەساتی مرۆیی" دەخولقێت، ئیسرائیلیش ئامادەنییە هێرشەکە بووەستێنێت.

بۆچی گرنگە: زیاتر لە دوو ملیۆن و 400 هەزار کەس لە ڕەفەح نیشتەجێن و تاکە شوێنی ئارامی ئاوارەکانی غەززەیە، داواکارییەکەی مەحموود عەباس، سەرۆکی دەسەڵاتدارێتی فەڵەستین  بۆ ئەوەیە شەپۆلێکی دیکەی کۆچ ڕوونەدات.

لێدوانی فەرمی: مەحموود عەباس دەڵێت، گەلی فەڵەستین لە کەرتی غەززە و کەرتی رۆژئاوا بە ڕۆژهەڵاتی قودسیشەوە لەبەردەم شەڕێکی فراواندایە، بۆیە داوا لە بزووتنەوەی حەماس دەکات زوو ڕێککەوتنی ئاڵوگۆڕی بارمتەکان بکات. 

ئەوەی پێشبینی دەکرێت: سەرۆکی دەسەڵاتدارێتی فەڵەستین  وایدەبینێت ڕێککەوتنی خێرای ئاڵوگۆڕی دیلەکان وادەکات ئیسرائیل بەردەوام نەبێت لە هێرشکردنە سەر ڕەفەح. داواش لە ئەمریکا و وڵاتانی عەرەبی دەکات بەجددی کار بکەن بۆ ئەوەی ڕێککەوتنەکە زوو بکرێت.