سەرۆکوەزیران بارزانی داوای قەرەبووکردنەوەی کەسوکاری قوربانییانی ئەنفالی بادینان دەکات

ئاڤا نیوز

 

سەرۆکوەزیران بارزانی  داوا دەکات حکومەتی فیدراڵی عێراق ئەرکی یاسایی و ئەخلاقی خۆی جێبەجێ بکات و بەشێوەیەکی شایستە  بنەماڵە و کەسوکاری شەهیدان و ئەنفالکراوانی دەڤەری بادینان قەرەبوو بکاتەوە.

 

چیرۆکە سەرەکی: سەرۆکوەزیران مەسرور بارزانی پەیامێکی بەبۆنەی ساڵڕۆژی ئەنفالی بادینان بڵاوکردەوە. 36 ساڵ لەمەوبەر ڕژێمی بەعسی عێراق لە دوا قۆناغی شاڵاوی ئەنفالدا هەزاران مرۆڤی بێتاوانی دەڤەری بادینانی شەهید و بێسەروشوێن کرد، سەدان گوندی ئەو ناوچەیەشی  وێران کرد.

 

ڕاگەیێنراوی فەرمی: سەرۆکوەزیران ڕایگەیاند: ئامانج لە ئەنجامدانی ئەم تاوانە قێزەونانە، قڕکردن و جێنۆسایدکردنی گەلی کوردستان بوو، بەڵام تاوانباران و ئەنجامدەرانی ئەم کۆمەڵکوژییانە، نەیانتوانی ئیرادە و خواستی ئازادیخوازانەی گەلی کوردستان لەناوببەن. 

زانیاریی زیاتر: سەرۆکوەزیران بارزانی بەپێویستی دەزانێت حکومەتی فیدراڵ ئەرکی یاسایی و ئەخلاقی خۆی جێبەجێ بکات و بەشێوەیەکی شایستە  بنەماڵە و کەسوکاری شەهیدان و ئەنفالکراوانی دەستی ڕژێمی پێشووی عێراق قەرەبوو بکاتەوە، حکومەتی هەرێمی کوردستانیش هەرچی لە توانایدا بێت بۆ خزمەتکردنی زیاتری کەسوکاری شەهیدان و ئەنفالکراوان درێخی ناکات.