پارێزگاری کەرکووک داوایەک ئاراستەی پارتی و لایەنە ناڕازییەکان دەکات

ئاڤا نیوز 

 

بەمەبەستی ئاساییکردنەوەی دۆخی پارێزگای کەرکووک، ڕێبوار تەها لەگەڵ هاوپەیمانییەتی عرووبە کۆبووەوە و داوایەکی ئاراستەی پارتی و لایەنە ناڕازییەکان کرد. 

 

وێنە گەورەکە: ڕۆژی 24-8-2024 ئەنجوومەنی پارێزگای کەرکووک بەبێ پارتی و تورکمان و بەشێک لە لایەنە عەرەبیەکان بە بەشداری نۆ ئەندام (پێنج یەکێتی، سێ عەرەب و ئەندامێکی بزووتنەوەی بابیلوون) لە کۆی 16 ئەندام یەکەم کۆبوونەوەی ئەنجامدا. 

 

لێدوانی فەرمی: ڕێبوار تەها، پارێزگاری کەرکووک لە میانی کۆبوونەوەکەی لەگەڵ هاوپەیمانییەتی عروبە ڕایگەیاند، "داوا لە لایەنەکانە ناڕازییەکان دەکەم، بێنەوە نێو کۆبووەنەوەکان و بەشداریی لە حکومەتی خۆجێیی کەرکووک بکەن."

 

زانیاریی زیاتر: لە بەشێکی دیکەی قسەکانیدا پارێزگاری کەرکووک دڵنیایی دا لەوەی بێ جیاوازی خزمەتی سەرجەم گەڕەکەکانی شارەکە دەکرێت و جیاوازی لەنێوانیاندا نابێت.

ئەوەش بزانە: هاوپەیمانیی عرووبە یەک کورسی ئەنجوومەنی پارێزگای کەرکووکیان هەیە، بەشدارن لە ڕێککەوتنەکەی یەکێتی و زیاتر لە 16 پۆستیان لەنێو حکومەتی خۆجێیی کەرکووک بۆ دانراوە.