بەهۆی خۆپێشاندان کێڵگە نەوتییەکانی بەسڕە دادەخرێن

ئاڤا نیوز

بەهۆی مانگگرتنی کارمەندانی کەرتی نەوت، ژمارەیەک کێڵگەی نەوت لە باشووری بەسڕە لەکارکەوتوون.

وێنە گەورەکە: لە سەرلەبەیانی ئەمڕۆ سێشەممەوە کارمەندانی کۆمپانیای نەوتی بەسڕە دژی بڕیارێکی وەزارەتی نەوتی عێراق دەستیان بە خۆپیشاندان کردووە، هەریەکە لە کێڵگە نەوتییەکانی ڕومێڵەی باشوور و باکوور و بەرجەسیە-یان لە قەزای زوبێر داخستووە.

هۆکارە زانراوەکان: بۆ ڕێگریکردن لە کۆبوونەوە و ناڕەزایی و خۆپێشاندان، وەزارەتی نەوتی عێراق بڕیاری داوە ڕێکاری تووند بگرێتەبەر و سەرجەم کارمەندانی نەوت بەتۆمەتی دروستکردنی گوشار لە کۆمپانیایەکەوە بگوازێتەوە کۆمپانیایەکی دیکە، ئەوەش ناڕەزایی لێکەوتووەتەوە. 

ڕاگەیێنراوی فەرمی: وەزارەتی نەوتی عێراق بڵاویکردووەتەوە، سەرجەم ئەو گرووپانەی لەنێو کۆمپانیاکانی نەوت گوشار دروست دەکەن هەڵدەوەشێنیتەوە و ڕێکاری کارگێڕی خێرایان  بەرامبەر دەگرێتەبەر. هەروەها ڕێکارەکانی هەڵبژارنی ئەندامەکانی کارگێڕی کۆمپانیای نەوتی بەسڕە و پاڵاوگە دەگۆڕێت کە بەم دواییە هەڵبژێرداراون. مستەفا سەنەد، پەرلەمانتاری عێراق ڕاگەیێنراوەکەی بڵاوکردووەتەوە.