ڕووسیا سیاسەتی بەکارهێنانی چەکی ئەتۆمی خۆی دەگۆڕێت

ئاڤا نیوز

 

لە دوای زیادبوونی ڕووبەڕووبوونەوە سەربازییەکانی نیوان ڕووسیا و ئۆکرانیا، جارێکی تر ڕووسیا هەڕەشەی بەکارهێنانی چەکی ئەتۆمی دەکات.

 

وێنە گەورەکە: ڤلادیمێر پووتین لە ساڵی 2020، سیاسەتی بەکارهێنانی چەکی ئەتۆمی وڵاتەکەی داناوە، باس لەوە دەکات لە ئەگەری بەکارهێنانی چەکی ئەتۆمی لەلایەن دوژمنەوە یان هەر چەکێکی هاوشێوە کە هەڕەشە بێت بۆ سەر خاکەکەی، ئەوا ئەوانیش چەکی ئەتۆمی بەکاردەهێنن بۆ پارێزگاریکردن لە خۆیان. 

 

ڕاگەیێندراوی فەرمی: سرگی ریابکۆف، جێگری وەزیری دەرەوەی ڕووسیا ڕایگەیاند: لەبەر قورسکردنی شەڕی ئۆکراینا لەلایەن ڕۆژئاواوە، ئێمە پێداچوونەوە بە سیاسەتی بەکارهێنانی چەکی ئەتۆمی خۆمان دەکەین. 

 

لەلایەکی دیکەوە: هەندێک شرۆڤەکاری ڕووسیا داوا لە پووتین دەکەن وەکو ئاگادارکردنەوەیەک بۆ وڵاتانی ڕۆژئاوا، بەکار‌هێنانی چەکی ئەتۆمیی ئەم وڵاتە ئاسان بکرێت.