لە هێرشێکی مووشەکی ڕووسیا دەیان ئۆکراینی کوژران

ئاڤا نیوز

 

ڕووسیا هێرشێکی مووشەکیی بالیستیکی کردە سەر ئەکادیمیایەکی سەربازی لە شاری پۆلتاڤا لە ناوەڕاستی ئۆکراینا و بە هۆیەوە، لانیکەم 51 کەس کوژران و 219 کەسیش برینداربوون. 

 

وێنە گەورەکە: لە دوای پێشڕەوییەکانی ئۆکراینا بۆ ناو خاکی ڕووسیا، هێرشەکانی ڕووسیا بۆ سەر ئۆکراینا زیاتر بوون. 

 

زانیاریی زیاتر: هێرشەکە زیانێکی بەرچاوی بەر باڵەخانەی ئەکادیمیاکە گەیاندووە و بەشێکی ڕووخاندووە.

 

ئەوەی لەبارەیەوە دەگوترێت: جۆ بایدن، سەرۆکی ئەمریکا لە کاردانەوەیەکدا، هێرشەکەی بە "دڵڕەقیی پووتین" ناو برد و سەرکۆنەی کرد. 

 

ئەوەی پێویستە بیزانیت: ئەم هێرشە بە یەکێک لە بەهێزترین هێرشەکانی شەڕی نێوان ڕووسیا و ئۆکراینا دادەنرێت، لەوەتەی لە شوباتی 2022ـەوە دەستیپێکردووە.