دۆناڵد ترەمپ: ڕقم لەو کەسانەیە دەنگ بە هاریس دەدەن

ئاڤا نیوز

 

دۆناڵد ترەمپ، بەربژێری کۆمارییەکان بۆ پۆستی سەرۆکایەتیی ئەمریکا ڕایدەگەیێنێت، ڕقی لەو کەسانەیە پشتگیری هاریس دەکەن.

 

وێنە گەورەکە: لەمیانەی بانگەشەی هەڵبژاردنی سەرۆکایەتیی ئەمریکا، دۆناڵد ترەمپ، بەربژێری کۆمارییەکان بە ئاشکرا ڕقی خۆی بەرامبەر ئەو کەسانە دەردەبڕێت کە پشتگیری لە کامالا هاریس، بەربژێری دیموکراتەکان دەکەن.

 

لێدوانی فەرمی: ترەمپ، لە تۆڕی کۆمەڵایەتی "تروس" کە خۆی خاوەندارێتی دەکات نووسیویەتی: "ڕقم لەو کەسانە دەبێتەوە کە پشتگیری لە هاریس دەکەن، لەنێویشیاندا "تایلۆر سویفت" ئەستێرەی پۆپی جیهانیی."

لەلایەکی دیکەوە: ترەمپ پۆستێکی دیکە بڵاودەکاتەوە و تێیدا ئەو کەسانە بە "گەمژە" ناو دەبات کە پشتگیری لە کامالا هاریس دەکەن.

 

ئەوەی پێویستە بیزانیت: هۆکاری ڕق لێبوونەوەی ترەمپ لەو کەسانە بۆ ئەوە دەگەڕێتەوە کە تایلۆر سویفت، گۆرانیبێژی بەناوبانگی ئەمریکی بە ئاشکرا ڕایگەیاندبوو، دەنگ بە کامالا هاریس دەدات.