بە بەشداری 60 هونەرمەند چالاکییەکی کولتووری لە مەغریب بەڕێوەدەچێت

ئاڤا نیوز 

تەنجە لە مەغریب یەکێک لە شوێنە مێژووییە و پڕ ئەفسانەکانی سەما و موزیک و ئەدەبیاتە، لە کۆتایی ئەم هەفتەیەدا لە بۆنەیەکی هونەریدا دەرفەتێکی ناوازە بۆ سەردانیکەران دەڕەخسێنێت بۆ ئەوەی شوێنە مێژوویی و سەرنجڕاکێشەکانی شارەکە ببینن.

وێنە گەورەکە: (لێرەبوون) ناونیشانی بۆنە هونەرییەکەیە، کە بە بۆنەی 10 ساڵەی دامەزراندنی میراتی کولتووری تەنجەوە ڕێکخراوە چەندین هونەری هاوچەرخ لە بۆنەکەدا نمایشدەکرێن

 

زانیاریی بەدەستهاتوو: ئەم چالاکییە دوو ساڵ جارێک بەڕێوەدەچێت، زیاتر لە 60 هونەرمەند لە سەرانسەری مەغریب و فەڕەنسا کۆدەکاتەوە، چالاکییەکان بۆ  سەماکاران، کوریۆگرافەران، ئەکتەران و هونەرمەندانی بەشە جیاوازە هونەرییەکان ڕێکخراون.

ئەوەش بزانە: یەکێکی دیکە لە چالاکییەکانی بۆنە هونەرییەکە نیشاندانی  شوێنە مێژووییەکان بوو کە لە کاتی ئاساییدا خەڵک ناتوانن بە ئاسانی بیانبینن، وەک کۆشکی مەڕهابا، کۆشکی ئاکابونێ و کۆشکی مێچوار.