یەکەم ڤاکسینی شێوە سپڕای لووت لە ئەمریکا پەسەند دەکرێت

ئاڤا نیوز

 

ئەمریکا یەکەم ڤاکسینی ئەنفلۆنزای وەرزیی پەسەند کرد، کە لە شێوەی سپرای لووتە و مرۆڤ خۆی دەتوانێت بەکاریبهێنێت، بەبێ ئەوەی پێویستی بە هاوکاریی پسپۆری تەندروستی هەبێت.

 

چیڕۆکی سەرەکی: ڤاکسینی Fluomist لەلایەن گرووپی AstraZeneca بەرهەمهێنراوە و چەند ساڵێک لەمەوبەر لەلایەن بەڕێوەبەرایەتیی خۆراک و دەرمانی ئەمریکا (FDA) بۆ ئەو کەسانەی تەمەنیان لەنێوان 2 بۆ 49 ساڵیدایە، پەسەند کراوە.

 

ئەوەی پێویستە بیزانیت: بەپێی ئامارەکانی FDA بۆ بەدەستهێنانی ڤاکسینەکە لەڕێگەی دەرمانخانە ئەلیکترۆنییەکانەوە، هێشتا پێویست بە ڕەچەتەی پزیشکی دەکات و بەپێی ئامارەکانی کۆمپانیاکە، نزیکەی 200 ملیۆن ژەمی ڤاکسینەکە لە سەرانسەری جیهاندا دابەشکراون.

 

کاریگەرییە لاوەکییەکان: بەو پێیەی ڤاکسینەکە ڤایرۆسێکی زیندووی لاوازکراوە، بەکارهێنانی دەبێتە هۆی بەرزبوونەوەی پلەی گەرمی لەش لە منداڵانی تەمەن 2 بۆ 6 ساڵیدا.

 

باکگراوند: بەهۆی نەخۆشی ئەنفلۆنزا لەنێوان ساڵانی 2010 بۆ 2023، لە ئەمریکا ساڵانە چوار هەزار و 900 بۆ 51 هەزار کەس گیانیان لەدەستداوە.