
دیمەنی بڕێک پارە بە دیناری عێراقی، وێنە: تایبەت بە ئاڤا
ئاڤا نیوز
وەزارەتی دارایی و ئابووریی هەرێمی کوردستان وادەی دابەشکردنی مووچەی مانگەکانی هەشت و نۆی ڕاگەیاند، هەینی دەست بە دابەشکردنی مووچەی مانگی هەشت دەکرێت و هەفتەی داهاتوو کۆتایی دێت، دواتر ڕاستەوخۆ دەست بە دابەشکردنی مووچەی مانگی نۆ دەکرێت.
ڕاگەیێنراوی فەرمی: وەزارەتی دارایی و ئابووری ڕایگەیاند: ماوەی سێ ڕۆژە شاندێکی تەکنیکیمان کە پێکهاتووە لە ڕێباز عەباس، ڕاوێژکاری وەزارەت و کۆڤان تەحسین، بەڕێوەبەری گشتیی ژمێرکاری، بە هاوکاری فارس عیسا، بەرپرسی نوێنەرایەتیی حکومەتی هەرێم لە بەغدا و ئیخلاس دلێمی، جێگری سەرۆکی لیژنەی دارایی لە پەرلەمانی عێراق، بەمەبەستی تەواوکردنی ڕێکارەکانی ناردنی تەمویلی مووچەی مانگی ئەیلوول و چارەسەرکردنی ئاستەنگەکانی بەردەم ناردنی ئەو لێبڕینانەی لە مانگی دوو تا مانگی هەشت ڕاگیرابوون لە شاری بەغدان، لەو ماوەیەدا چەندین کۆبوونەوەیان لەگەڵ فەرمانگە پەیوەندیدارەکانی وەزارەتی دارایی حکومەتی فیدراڵ کردووە و لەسەر چەند بابەتێک گەیشتوونەتە ڕێکەوتن.
ئەوەی پێویستە بیزانیت: ڕاگەیێنراوەکەی وەزارەتی دارایی و ئابووری چوار خاڵ لەخۆدەگرێت:
1-دوای تەواوکردنی سەرجەم ڕێکارەکانی ناردنی تەمویلی مووچەی مانگی ئەیلوول، ئێوارەی ڕۆژی چوارشەممە بڕی 598 ملیار دینار وەک تەمویلی مووچەی مانگی نۆی فەرمەنبەران و خانەنشینانی شارستانی و فەرمانبەرانی گرێبەست خرایە سەر هەژماری بانکی وەزارەتی دارایی و ئابووریی هەرێمی کوردستان.
2- لەسەر بڕیاری ئاوات شێخ جەناب، وەزیری دارایی و ئابووری لەڕۆژی هەینی ( 2024/10/4 ) دەست بە دابەشکردنی مووچەی مانگی هەشت دەکرێت و لەماوەی چەند ڕۆژێکدا مووچەی سەرجەم فەرمانبەران و مووچەخۆران دابەش دەکرێت.
3-ڕوونکردنەوە و زانیاریی پێویست لەسەر ئەو لێبڕینانەی لە مانگی دوو تا مانگی هەشت لە لیستی مووچەی فەرمانبەرانی هەرێم بە بیانووی جیاواز ڕاگیرابوون، بە داتا و زانیاریی دروست و نووسراوی فەرمی پێشکەش بە فەرمانگە پەیوەندیدارەکان لە وەزارەتی دارایی حکومەتی فیدراڵ کرا و، بڕیارە هەفتەی داهاتوو سەرجەم ئەو لێبڕینانە خەرج بکرێت.
4- دوای خەرجکردنی مووچەی مانگی نۆی هێزە ئەمنییەکان و سەرجەم ئەو لێبڕینانەی لە مووچەی مانگەکانی سەرەتای ئەمساڵ تا مانگی هەشت ڕاگیرابوون لەلایەن وەزارەتی دارایی عێراق لە هەفتەی داهاتوودا، ڕاستەوخۆ دەست بە دابەشکردنی مووچەی مانگی نۆ دەکرێت.
ئەمەش بزانە: تائێستا مووچەی مانگی نۆی هێزە ئەمنییەکان نەنێردراوە و بڕیارە هەفتەی داهاتوو بنێردرێت.
زیاتر لەسەر ئەم بابەتانە بکۆڵەرەوە

ئاڤا دیجیتاڵ
Editor
دوایین هەواڵەکان
- ژینگە
- 8 کاتژمێر لەمەوپێش
لە شەقڵاوە کەسێک بەهۆی بڕینی داربەڕوو دەستگیر دەکرێت
- جیهان
- 8 کاتژمێر لەمەوپێش
لە دوو مانگدا ئیلۆن مەسک 148 ملیار دۆلار سامانەکەی لەدەست داوە
- ڕۆژهەڵاتی ناوەڕاست
- 8 کاتژمێر لەمەوپێش
گەلی سووریا ساڵیادی شۆڕشەکەیان زیندوو دەکەنەوە
- ببینە و ببیستە
- 9 کاتژمێر لەمەوپێش
بەربانگی ئاڤا؛ ئارامگرتن و خواردنە تەندروستەکان
- کوردستان
- 9 کاتژمێر لەمەوپێش
گۆڕانکاری لە کاتی دابەشکردنی مووچەی خانەنشینانی یەکەی 70 دەکرێت
هەڵبژاردەکان بۆ تۆ
جارێکی دیکە کوڕەکەی مەسک لەگەڵ ترەمپ دەردەکەوێتەوە
9 کاتژمێر لەمەوپێش
لە ئەندەنووسیا تیمساح ئافرەتێک دەخوات
16 کاتژمێر لەمەوپێش
زنجیرە درامای بەرەو بەرزاییەکان - ئەڵقەی 12
23 کاتژمێر لەمەوپێش
لە هەولێر دوو هەزار دۆنم زەوی سەوزە تێکدراوە کە بە ئاوەڕۆ بەرهەم دەهات
14 ئازار
چەند مەیموونێک خەڵکی گەڕەکێکی هەولێر هەراسان دەکەن
13 ئازار
- بزنس
- 9 کاتژمێر لەمەوپێش
لە ئایندە لیستی دابەشکردنی مووچە نامێنێت
- بزنس
- 13 کاتژمێر لەمەوپێش
وەزارەتی دارایی دوو نووسراو لەبارەی مووچەی مانگی سێ دەردەکات