ئیسرائیل: 440 چەکداری حیزبوڵڵای لوبنان لە هێرشی زەمینی کوژراون

ئاڤا نیوز

 

بەگوێرەی سوپای ئیسرائیل لە سەرەتای دەسپێكردنی ئۆپەراسیۆنی زەمینیی بۆسەر لوبنان 400 چەکداری حیزبوڵڵا کوژراون.

 

لێدوانی فەرمی: دانیاڵ هاگاری، گوتەبێژی سوپای ئیسرائیل ڕایگەیاند:  "لە سەرەتای دەستپێکی هێرشە ئاسمانی و زەمینییەکانی ئیسرائیل بۆ سەر حیزبوڵڵای لوبنان 440 چەکداری ئەو حیزبە کوژراون، لەنێویاندا 30 فەرماندەی پلە جیاواز هەن.

 

ئەوەی ئێستا ڕوودەدات: لە 17ـی ئەیلوولەوە ئیسرائیل ئاڕاستەی شەڕی لە غەززەوە گۆڕیوە بۆ لوبنان و هێرشێکی فراوانی بۆ سەر حیزبوڵڵای لوبنان دەستپێکردووە، چەندین سەرکردەی باڵای لێکوشتوون لە نێویاندا حەسەن نەسروڵڵا، ئەمینداری گشتیی حیزبوڵڵا.