زانایانی ڕووسی کار بۆ دۆزینەوەی چارەسەری برینداربوونی دڕکەپەتک دەکەن

ئاڤا نیوز

 

زاناکانی زانکۆی (Sirius) ڕووسی بۆ زانست و تەکنەلۆژیا، کاردەکەن بۆ پەرەپێدانی ڕێگەیەکی نوێ بۆ چارەسەرکردنی پچڕان یان برینداربوونی دڕکەپەتک لە بڕبڕەی پشتدا.

 

ڕاگەیێنراوی فەرمی: زانکۆی (Sirius) ڕووسی بۆ زانست و تەکنەلۆژیا ڕایگەیاندووە: زانایان لە زانکۆکەمان بە بەکارهێنانی  (Trace amines) کاردەکەن بۆ پەرەپێدانی ڕێگەیەکی نوێ بۆ چارەسەرکردنی برینداربوونی دڕکەپەتک، ئەم شێوازە کلیلی پەرەپێدانی دەرمانی چارەسەری نوێیە بۆ نەخۆشەکان دوای برینداربوونێکی سەخت هیوایەک بەخۆیەوە دەبینێت بۆ چاکبوونەوەیەکی کاریگەرتر.

 

زانیاریی زیاتر: ئەم پڕۆژەیە پشتگیری لە دامەزراوەی زانستی ڕووسیا وەرگرتووە، لە چوارچێوەی بەرنامەی دەوڵەتی ڕووسیا بۆ گەشەپێدانی زانستی و تەکنەلۆژیی جێبەجێ دەکرێت. ڕووسیا لە نێو وڵاتانی ئەوروپادا لە پلەی دووەمدایە بۆ ئەم جۆرە ڕووداوانە.

 

ئەوەی پێویستە بیزانیت:  شکانی بڕبڕەی پشت یان برینداربوونی دڕکەپەتک لەکاتی تووشبوون بە ڕووداوی سەخت نزیکەی 26%ی کۆی برینەکانی جەستەی مرۆڤ پێکدەهێنێت.

پەرەپێدانی چارەسەر بۆ ئەو جۆرە برینانە پێویستە، چونکە بەهۆی هەستیاریی ئەندامەکە لەوانەیە کاریگەری نەرێنی زۆری لێبکەوێتەوە، لەوانە ئاڵۆزییەکان لە سیستمەکانی دیکەی جەستەدا، وەک دڵ، خوێنبەرەکان، کۆئەندامی هەناسەدان و سیستمی هەرس.