هۆشداریی لە بەکارهێنانی قاپی پلاستیکی دەدرێت

ئاڤا نیوز

 

توێژینەوەیەکی نوێ هۆشداریی دەدات لە بەکارهێنانی کەلوپەلی چێشتخانە کە لە پلاستیک درووستکراون، لە هەبوونی ماددەی کیمیایی زیانبەخش.

 

زانیاری بەدەستهاتوو: لە ئەنجامی توێژینەوەیەکی نوێ کە لە گۆڤاری CHEMOSPHERE بڵاوکراوەتەوە دەرکەوتووە، ئەو کەلوپەلانەی کە لە چێشتخانە بەکارهاتوون و پلاستیکن، بەشێک لە پێکهاتەی کیمیایی زیانبەخشیان تێدایە، ئەمەش کاریگەریی نەرێنی لەسەر جەستەی مرۆڤ هەیە و دەبنە هۆی نەخۆشی شێرپەنجە. 

ئەوەی پێویستە بیزانیت: لە توێژینەوەکەدا دەرکەتووە ئەو بەرهەمە پلاستیکیانەی پشکنینیان بۆ کراوە، بە ڕێژەی 85% ماددەی کیمیایی BFRs تێدایە کە ماددەیەکی ژەهراوییە.

 

زانیاریی زیاتر: ئەو زانایەنەی کە ئەنجامی تویژینەوەکەیان خستووەتەڕوو، ئاماژەیان بەوەشداوە کە بەرکەوتن لەگەڵ ماددەی BFRs، مەترسی توشبوون بە نەخۆشییە شێرپەنجەییەکان و تێکچوونی هۆڕمۆنەکان و ژەهراویبوونی دەمارەکان زیاتر دەکات.

 

ئەمەش بزانە: توێژەران داوا دەکەن خەڵکی کەمتر ئەو کەلوپەلانە بەکاربهێنن کە پلاستیکن، بە تایبەت قاپی خواردن ساردکردنەوە و گەرمکردنەوەی مایکرۆ.