
ئەردۆغان، سەرۆککۆماری تورکیا - گرافیکی ئاڤا (ڕامتین هەمەوەند)
ئاڤا نیوز
دوای ئەو هێرشەی کرایە سەر کۆمپانیای پیشەسازیی فڕۆکەوانی تورکیا سکرتێری گشتیی ناتۆ پشتیووانی هاوپەیمانێتییەکەی بۆ تورکیا دووپاتکردەوە.
وێنە گەورەکە: ئێوارەی ئەمڕۆ چوار شەممە، بە تەقینەوە و دەستڕێژیی گوللە هێرش کرایە سەر کۆمپانیای پیشەسازیی فڕۆکەوانی تورکیا لە ئەنقەرە.
ڕاگەیێنراوی فەرمی: مارک ڕووتێ، سکرتێری گشتیی ناتۆ لە هەژماری تایبەتی خۆی لە تۆڕی کۆمەڵایەتی ئێکس نووسیویەتی، " کەمێک پێش ئێستا لەبارەی هێرشە تیرۆرستییەکەی ئەنقەرە، قسەم لەگەڵ ڕەجەب تەیب ئەردۆغان، سەرۆککۆماری تورکیا کرد پێم ڕاگەیاند، پشتیووانیتان دەکەین و لەگەڵتان دەبین."
لەلایەکی دیکەوە: مارک ڕووتێ لە بەشێکی ڕاگەیێنراوەکەیدا نووسیویەتی. "پەیامەکەم زۆر ڕوون بوو: هاوپەیمانی ناتۆ پشتییوانی تورکیا دەکات"
زانیاریی بەدەستهاتوو: بەگوێرەی زانیارییەکان لە هێرشەکەدا چوار کەس کوژران و چواردە کەسی دیکەش بریندار بوون.
ئەوەی لەبارەیەوە دەگوترێت: دوای ڕووداوەکە میدیاکانی تورکیا ئەوەیان بڵاوکردەوە، دەنگی تەقینەوەیەکی بەهێز لە شوێنەکە بیستراوە، هاوکات ڤیدیۆی هێرشی چەکداری و پێکدادان لە شوێنی ڕووداوەکە بڵاوکراوەتەوە، وەک لە ڤیدیۆکانیش دەردەکەوێت یەکێک لە چەکدارەکان ژن بووە.
زیاتر لەسەر ئەم بابەتانە بکۆڵەرەوە

ئاڤا دیجیتاڵ
Editor
دوایین هەواڵەکان
- جیهان
- 7 کاتژمێر لەمەوپێش
فەرەنسا: ئەوروپا هەڵەبوو لە سەپاندنی باج لەسەر کحولی ئەمریکا
- تەندروستی
- 7 کاتژمێر لەمەوپێش
فشاری دەروونی دەبێتە هۆی قژ هەڵوەرین
- عێراق
- 7 کاتژمێر لەمەوپێش
سوودانی دڵنیایی دەداتە ئەمریکا لە پاراستنی هێزەکانیان لە عێراق
هەڵبژاردەکان بۆ تۆ
- ڕۆژهەڵاتی ناوەڕاست
- 18 کاتژمێر لەمەوپێش
ئیسرائیل دانوستاندنی ناڕاستەوخۆ لەگەڵ حەماس دەستپێدەکات
- ڕۆژهەڵاتی ناوەڕاست
- 19 کاتژمێر لەمەوپێش
ئەمریکا: هێرشەکانمان بۆ سەر حووسییەکان چەند هەفتەیەک دەخایەنێت